هاك القصيد واسمع زين ردي؟

[عازفة الامواج..]

دام الفراق المر من ضمن ردك
هاك القصيد واسمع زين ردي
انا اعشقك لين ما بان صدك
واليوم باسوي سواتك بصدي
ادري دموعك جاريه على خدك
وانا دموعي جاريه على خدي
لكن قدرنا ماتغيره يدك
ولا تغيرفيه باالفعل يدي
بحرك رماني بين جزرك ومدك
وانا تعبت ابقى على طول مدي
دورلك الليله على بحر قدك
وانا بدوري على بحر قدي
ماعادباجيلك ولا اسعى لحدك
واحذر تجي قربي وتسعى لحدي
دام الفراق المر من ضمن ردك
هاك القصيد واسمع زين ردي