سكة الذكري الحزينه

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..سكة الذكري الحزينه..

مرّني طيفـك .. وطيفـك صاحبـي مـدري عـدوّي
جايبٍ صوتك .. وصوتـك سكـة الذكـرى الحزينـة
قال أنا جوّي تكـدّر .. قلـت : ماهـو كثـر جـوّي
قال فرقانـا غبينـة .. قلـت : وأكثـر مـن غبينـة
قال : أنا بأموت من غيبتك قل لـي ويـش أسـوّي؟
قلت : أنا أبغى الموت في غيبتك .. قل لي بس وينه؟!
قبل ترحل .. كنـت أقـول بيسـرح أيـام ويضـوّي
مثـل ماعودنـي اليـا اشتقـت لـه جابـه حنيـنـه
بـس هالمـرة ثمـان شهـور وضلوعـي تــدوّي
كل يوم أشتاق لـك .. يلعـن أبـو الشـوق وسنينـه
كـل ماعشمـت قلبـي .. قـال ياضلوعـي تـقـوّي
ورحـت أنـا ويـاه نرقـب رجعـة اللـي فاقدينـه
نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبيـنـه
كل يوم أجلس علـى جـال البحـر وأقـول تـوّي ..
.. لاسألني : مافقدت الحلـم فـي لمسـة يدينـه ؟!
مادريـت أن البحـر ماقـال لأمـواجـه تــروّي !
و مادريت أن الغـرق هـو حجّـة غيـاب السفينـة
مادريت .. أو مابغيت أدري .. ولاأدري وش بسـوّي
لو رجعت .. وشفت طيفـك فـي الممـرات الحزينـة
وين ابنسى وانت طيفـك صاحبـي مـدري عـدوي
مارضى يتـرك لغيـره شبـر واحـد فـي المدينـة!