حكاية المينا

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..حكاية المينا..


اضمن لي ان البحر مـا فيـه حوريّـه
وأضمن لك انـه يكـون حكايـة المينـا
اللّـه يرحـم جـدارٍ كـان لـه فـيّـه
وكانت تسمّـي علينـا كـل مـا جينـا
نرمـي تعبنـا عليهـا كـل عصـريّـه
نتبـع قدرنـا .. وتتبعـنـا خطاويـنـا
انا .. وذاك .. وهذاك .. وكانت بنيّـه..
.. تطّلّ من جرحهـا .. وتبشّـرّه فينـا
كل ما استلان الزمان احدٍ.. بكـت هيّـه
وكل ما استهان المكان احـدٍ.. تباكينـا
وفي يوم كان الدفـا صـوت الشماليـه
نادت : "حبيبي".. وجينـا نرفـع ايدينـا
خلّـت يديهـم وجتنـي وانكسـر فيّـه
صوت ..وصدى صوت : "تكفى لا تخلينا"
رجعـت الـمّ الشتـات وضاعـت يديّـه
كل ما جمعتـه تبعثّـر تحـت اسامينـا
ورحنا نعـدّي .. وكـلٍ عبرتـه حيّـه
حتـى الزوايـا بكتنـا يــوم عدّيـنـا
انـا وذاك وهـذاك.. وكـانـت بنـيّـه
وقبـل نتفـارق كتبـت اللـي يعزينـا:
"اضمن لي ان البحر مـا فيـه حوريّـه
واضمن لك انـه يظـل حكايـة المينـا"