القلوب الطيبه

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..القلوب الطيبه..

يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال
يابعد طـول المسافـة والكلافـة والشقـا
يابعد كل الحيـاة وكـل ماجـاب الخيـال
ماورى سود الليالـي والفـراق إلااللقـا
وش تبين بهالدموع الزرق يابنت الحلال؟
اتركي عنك الدموع وخلي الحزن يهقـى
ان مالـه فالقلـوب الطيبـة أيـة مجـال
كلها جرح ونشوف الليـل لامنـه اتقـى
في جلال الصبح جعل الصبح مايلقى جلال
اقبلي قبل نتفارق والوصـال ابـو النقـا
ودي آخذك بيدينك والنقا ولـد الوصـال
اقبلي واليوم يوم الشعـر كانـه مارقـى
يم ذيك الغيمة اللي كنها (طلبـة تعـال )
لايجي باكر يغني : (ياسقـى الله وسقـى)
كل شي ان طال زال الا القصايد ماتـزال
لعن ابو ذكرى القصايد كان ذكراها محقـا
كل بيت وذكرياته في ملامحهـا سـؤال :
وينها اللي كنت انا والصبح ويديها اشققا؟
اي فال اللي رماني في خيالـك اي فـال؟
آه كان الشعر راح ورحتي انتي وش بقى
مابقى لي غير اجر الصوت وأسري يادلال