الناس

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..الناس..


ياصاحبـي لاتجـي وتقولـي قـالـوا
لـو قلـت ماقلـت غيـر الله يجازيهـم
لاشفـت بعـض الأوادم للـردى مالـوا
نفضتهـم مـن عيونـي قبـل اخليهـم
يكفينـي القـدر نلتـه يـوم مانـالـوا
الا .. او اقول مابغى اجيـب طاريهـم
ماقول غير انت لامن حطـوا وشالـوا
تعـوذ برحمـه الله مــن اساميـهـم
وذكرهم ان الاعمار ان طالـت وطالـوا
الخالـد الذكـر والا المـوت قافيـهـم
اما انت ياقلب لو صالـوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيـهـم وفيـهـم
وذولاك من عرض ناس ٍ مالي ان مالوا
الا اني اسكت ,, واقول : الله يجازيهـم