أخر دروبي

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..أخر دروبي..

يا بشـر تكفـون حلّـو عـن سمايـه
ما يصيب الهرج لـو الهـرج صوبـي
كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي
عيبونـي واتركونـي فـي عمـايـه
واتركوا لي واحـد يرضـى عيوبـي
اتركـوا لـي واحـد يمسـح شقايـه
كل مـا حـط الزمـن دوبـه ودوبـي
ذاك والله لا ذكــرت انــه ورايــه
اشعر إن الكـون كلـه وسـط ثوبـي
يكفـي انـه لـو يسولـف للمـرايـه
كن صوته يهمس لصورتـه.. ذوبـي
كيف أنا مـا أذوب مـا دامـه معايـه
اسمعـه وأسهـر معـه لأول ذنوبـي
كـل مـا قـال السهـر درب الغوايـة
قلت كلـه مـن عيونـك هبّلـوا بـي
وكل ما قـال الخطـا ماهـو خطايـه
قلت لـه قـل للعيـون السـود توبـي
ضيعتـنـي واســأل الله الـهـدايـة
وين أجيب العقل.. أجيبه من جيوبـي
من يعرفـك مـا يـدل العقـل رايـة
يا شروق العمر.. مدري يـا غروبـي
أذكر انـك كنـت لـي مثـل الهوايـة
لو تروح ولو تجـي يبقـى شحوبـي
بس مدري كيف صرت اليـوم غايـة
وصرت أجي وأروح مدري عن دروبي
يـا بعـد عمـر الكتابـة والقـرايـة
يـا الشمالـي يابـو الملـح الجنوبـي
لا قريـت اللـي كتبتـه يـا رجـايـه
رح وبلـغ ربعـي اللـي جننـوا بـي
قلهـم يمـكـن يخـلـون الوشـايـة
و إن تمادوا خلهم مهمـا حكـوا بـي
أنت خلـك بـس فـي الدنيـا عزايـه
لا تفكر في العـواذل وأنـت صوبـي
ادري إن كــل درب ولــه نهـايـة
بس أنا باقـي معـك لآخـر دروبـي