إحتياج

[عازفة الامواج..]

السلام عليكم ورحمه الله وبركاته..

هذه قصيده الشاعر فهد المساعد..

..إحتياج..


يوم هبّ الوقـت وأعمانـي عجاجـه


الفرج عيّـا .. وأنـا بالصبـر راهـي


ويوم مال وطـال ميلـه وأعوجاجـه


رحـت أدوّر شـي ٍ يشـد إنتبـاهـي


وشفت زولك مقبـل ٍ مثـل إنفراجـه


كنّـه اللـي جايـبٍ عـزّي و جاهـي


يـاه ياضيقـات صـدري وإبتهـاجـه


تذكر آخر مرة ٍ شفتك ..متى هـي !!


صاحبـك مـن يومهـا زاد إحتياجـه


وأمتطى ظهـر المصايـب والدواهـي


سولف الليلـه علـى قلبـي و ناجـه


من بقى لي غيرك أفخر بـه وأباهـي


يابعـد مـن كـدّر غيابـي مـزاجـه


ويابعد مـن مـرّت حروفـه شفاهـي


رغم حيـرة قلبـك ورغـم إنزعاجـه


الزمن .. ماغيّـر احساسـه تجاهـي


ورغم وحشة بعدك وقسـوة سياجـه


كل حاجـه فيـك ظلّـت مثـل ماهـي


الخجل فـي وجهـك أول مـنتواجـه


والبراءه في عيونـك وأنـت ساهـي


وبسمتك لامـن بغيـت تقـول حاجـه


وغيرتك لاشفـت كنّـي عنـك لاهـي


قبل أشوفك .. والزمن عاقـد حجاجـه


أسأله : وش فيك ؟! وألقى العذر واهي


ويوم شفتك قلت للوقـت وعجاجـه :


هيه ياللي في طعونـك كنـت راهـي


أنت لـو غيّـرت فينـا ألـف حاجـه


القلـوب البيـض تبقـى مثـل ماهـي