صباح الورد ...صباح غييييييير‎

[عازفة الامواج..]

على طاري صباح الورد وإسمك والحلا والذوق
ذكرتك يااجمل أحلامي بقافي واستهليته



على درب القصيد أسوق قلبي والخطاوي شوق
وإذا مالت بي الخطوه على دربك تنآسيته


يهز الشوق بأعماقي عناقيد الغرام عذوق
ويقطف بالغلا فيني غرام(ن) خنت وأخفيته


أحبك كثر ما يشعل غرامك في حشاي حروق
وشبٌه زود لو يحرق ضلوعي مت ما اطفيته


أحبك دمعت(ن) طاحت على خد الصباحاشروق
يموت النور لو طاحت على كفي وضميته


أحبك إيه أحب إسمك .وأموت بجيدك المنتوق
و تخيلي كثر ما أكره صدودك قمت حبيته


تموت من البطا غيمه طعنها من جفاكبروق
وغشى روض الحشا وسمي جفافك وإنتي ما ارويته

رحلتي وما بقى منك سواك إنتي و عنا مفهوق
عنا ذاك الربيع اللي غشاني ما تمنيته


تعالي إجرحعلى كيفك تربعي واستحلي عروق
تدللي والبساط أحمد وأنا لرضاك مديته

قم إسهجي لآخر ضلوعي تغلغلي داخلي برفوق
حلالك ما بقى مني مع اللي لأجلك أفنيته


من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته


وربي من كتبت إسمك وبروزته بقلبي فوق
وأنا ما دار في بالي قصيد ما تحاليته


دخيل الدمعتين اللي غدت منها الخدود شقوق
ترفقي سامحك ربي على قلب(ن) لك أهديته


إذا لك حق في قلبي فأنا لي في غلاك حقوق
و حقوق الشوق محفوظة وحدي ما تعديته


يذكرني صباح الورد وإسمك والحلا والذوق
وأردد يا ( أجمل أحلامي ) بقافي يوم هليته